«Gatazka konponduko bada, amnistia da aukera bakarra euskal preso eta iheslarientzat. Frantzia eta Espainiako legeek aldatu egin behar dituzte horretarako, baina, bien bitartean, gaur egungo legeak betearazteko eta presoak Euskal Herriratzeko eskatzen dugu. Baita preso gaixoak askatzeko ere. Indar korrelazio estrategia baten bitartez lortuko dugu, eta Eusko Ekintza prest dago halako egoerak ekarriko dituzten mobilizazioetan parte hartzeko».

ETB-k deklarazioak jaso zituen bideo honetan, 3:19 minutuan:

 Atzo, Bilboko udaletxearen aitzinean, urriaren 10a, hainbat eragile politiko, sozial eta sindikalekin batera, Eusko Ekintzako ordezkari batek ere, euskal preso politikoen oinarrizko eskubideen aldeko manifestaziorako azkeko deialdian parte hartu zuen. Ziur gaude larunbatean 17:30tik aurrera Bilbon burutuko den manifestazioa “Eskubide guztiekin, euskal presoak Euskal Herrira” lelopean, erraldoia izanen dela eta herritarron laguntzaz Estatuen geldikeria gainditzeko urrats bat izanen dela. Eusko Ekintzak euskal preso politikoen eta beraien senideen  aldeko eskaerekin bat egiten duelarik, zera aldarrikatu nahi du: amnistia da gutxienezko demokratikoen bidean finkatu behar den azken helburua. Amnistiak besterik ez baitu ziurtatuko euskal preso eta beraien senideen eskubide eta berme guztiak.  Larunbatean denok Bilbora!     http://www.euskoekintza.eu/gutxienezko-demokratikoen-bidean-amnistia-ere-helburu/

Gure eremu geografikoan, duela hainbat mendetatik hona, bizi izan den jendartearen berezko eginkizun politiko, kultural zein ekonomikoen zapalkuntza eta asimilazio prozesuaren erroak oso aspaldikoak dira eta modu askotan azaldu dira historian. Prozesu luze horren aro modernoa, hurbila, 1936ko gerran hasi zen; diktadurak bultzatutako genozidioan eta Estatu Terrorismoan ezarri behar da, hain zuzen ere. 1936tik aurrera ez da izan, ezta urte bat ere Euskal Herrian, preso politikorik gabe. Euskal gatazkaren “aro modernoaren” data ezartzerakoan, datu hori adierazgarria da.

1977ko amnistia legeak gizateriaren aurkako krimenen eta estatu krimenen inpunitatea ekarri zuen eta ez borrokalari antifaxisten eskubideen itzultzea. Haientzako indultu soil bat izan zen. Harekin batera, Frantzia eta Espainiarekin mendeetan izan den gatazkaren luzapenari kondenatu gintuzten. Euskal Herriaren ukazio nazionalaren jarraipenetik erregimen totalitarioekin haustura ezak, egun “demokrazia diktatoriala” ekarri du. Legeak etengabe aldatuz presoen zigorrak, bizimodua eta eskubideak, bakarrik sistema diktatorial batek ezarri dezakeen egoera batera eraman gaitu. Delituen zerrenda modu bidegabean moldatu du, torturapean lortutako adierazpenak erabili ditu eta frogak zein epaiketak sarri berme juridiko-demokratikorik gabe eraiki.

Gatazkaren konponbidea ukatu eta Euskal Herriaren eskubide zibil eta politikoak lortu ahal izateko borrokatu diren militanteek preso segitzen dute. Espainian, 1978an hasitako demokrazia neoliberalaren erregimenak, argi azaldu du, behin eta berriz, PP zein PSOE ren ahotik, estatu espainolak ez duela gure etorkizuna erabakitzeko dugun eskubidea gauzatu dadin inongo asmorik. Alta, bere esku dagoen guztia egingo du eskubide hori gauzatu ez dadin. Eta Frantziak, Espainiarekin dituen hainbat interes estrategiko, ekonomiko zein geopolitiko direla medio, men egiten dio Espainiak marrazten duen bide-orriari.

Estatu espainolak zein frantsesak, nazioarteko eragile batzuen aholkuak gutxietsiz, ukazioa eta errepresioa aukeratu dute konponbide demokratikoari muzin eginez, beraz Euskal Herriak lanean jarraitu beharko du demokratikoak eta legitimoak diren eskubideak lortu arte.

Honek, gure ustez, borrokari uko egiten ez zaion bitartean, atxiloketa eta errepresioa areagotu egingo du. Beti izan da horrela. Erregimen autoritario hau gainditzen ez den bitartean, historian beti gertatu izan den bezala, ez dugu lortuko preso politikoek beraien eskubideak berreskuratu ditzaten, beraien ohorea, duintasuna eta baloreak berrezarriak izan daitezen.

Gatazka politiko honek eragin dituen preso eta iheslarientzat AMNISTIA egon behar du. Horretarako, Espainiako eta Frantziako legedien aldaketak eman daitezen, indar korrelazioak suspertzen ahaleginduko gara. Bitartean, presoak Euskal Herriratzea, gaixorik daudenak eta zigorraren hiru laurdenak bete dutenak askatzea, eta oro har presoen aurkako salbuespen legediak bertan behera uztea exijitzen dugu. Bake Prozesua saihestezina eta alde guztietakoa izan dadin borrokatuko gara. Baina egun azpimarratu behar dugu aldebakartasuna ezin dela ulertu soilik etsai politikoari etengabe eskatzen duena emateko ariketa soil bat bezala. Ukatzen diguna ere, aldebakartasunatik, borrokatu eta eskuratu behar dugu.

Bukatzeko, gure errespetua adierazi nahi diegu gatazkak eragin dituen biktima guztiei, eta biktimaz ari garenean, jakina, genozidak eta gizateriaren aurkako kriminalak espreski baztertzen ditugu , eta  argi esaten dugu zor zaiela, nazioarteko legediak aitortzen dien Egia, Justizia, Erreparazioa eta berriro horrelakoak ez gertatzeko bermeak. Honekin batera, ordea, argi eta garbi esan nahi dugu genozidio frankista eta estatu terrorismoa, tortura eta errepresio bortitza pairatu duten biktimak direla, bereziki, Egia, Justizia eta erreparaziorik gabe geratzen ari direnak. Estatuak burututako gehiegikeriak eta krimenak zigorrik gabe gelditzen ari dira. Horregatik bat egingo dugu Egia, justizia eta erreparazioa lortzeko lanean ari diren estatuko eta bereziki Euskal Herriko talde guztiekin. Euskal Herriko Egiaren Batzordea da, une honetan, gai hauetan urratsak ematen hasteko tresna eraginkorrena.

Arritxu Santamaria eta Santi Merino

EUSKO EKINTZAko talde Sustatzailekoak

Euskal Herria, 2013ko urtarrilaren 5a

Zortzi indar politikoen prentsaurrekoa Bilbon

Urtarrilaren 3-an, Bilbon, prentsa agerraldian, Eusko Ekintza eta beste zazpi alderdi politikok Uratrrilaren 12ko presoen aldeko ekitaldiari atxikimendua adierazi zioten.

Naiz: Bederatzi indar politikok urtarrilaren 12ko manifestazioan parte hartzeko deia egin dute.

Berria: Urtarrilaren 12ko martxarekin bat egin dute bederatzi alderdi politikok.

SPOTA: http://youtu.be/Ez2exHAOThQ