Eusko Ekintzaren aurkezpen agirian, duela urte eta erdi, zera aldarrikatzen genuen;

“Eusko Ekintzak masa borrokan eta mota ezberdinetako desobedientzia zibilean eta intsumisioansinesten du. Instituzioetan lortzen den ordezkaritzak Euskal Herriko herritar mugimendua indartu eta herritarren interesak defendatzeko tresna izan behar du, herri zerbitzaria. Uste dugu aldebakartasunaren hautuak norabide estrategiko zehatz eta argia izan behar duela. Garbi dago guretzat giza eskubide zein eskubide sozial, nazional eta politikoen aldeko herri mugimendu zabal eta indartsuak lortuko duela indar korrelazioa eta estatuen itxikeria gainditzea, eragile sozial anitzez osatutako independentziaren aldeko auzolan nazional zabalarekin batera. Konfrontazio demokratiko anitza eta etengabeak baino ez ditu eskubide sozial eta nazionalak ekarriko.

Azken astetan, desobedientzia zibil aktibo eta baketsuaren hainbat ekimen zabaltzen ari dira gurean. “Arrantzale bizardunen” ekintzak haien eredu. Argi dago ekintza hauek euskal gizartearen izpiritu matxino eta kritikoaren isla direla, eta beraien aniztasuna  hemendik aurrera, Euskal Herriko jendeartearen osasun kritikoaren mailaren izpilu izango dugula.

Eskubide zibil, sozial eta nazionalen defentsan, jendartearen inplikazio zuzena behar da. Bakar batzuen inposaketen aurrean, izpiritu libre eta kritikoen imaginazioa nagusi!

Eusko Ekintzaren Matalaz iritzi taldea.

Desobedientzia herri borroka da, inposaketen gainetik jauzi egiteko tresna. Guri dagokiguna geuk hartu, eskubideak ez baitira eskatzen,eskubideak betetzen dira. Ekimenaren bidez errealitatea aldatuko dugu eta ondoren, errealitate berria nagusitzen hasten denean, mugitu nahi ez dutenak mugitu nahi izango dira.

Ezkerreko independentismoak gida-liburu propioa behar du, geuk idatzi behar duguna, beste inork ez du-eta gure kezken eta beharren ardura hartuko.