Nalon ibaiaren ertzean, gudari ekintzaleek borroka egindako lekuan bertan

Atzo Oviedotik gertu, Eusko ekintzako hainbat kideok parte hartu genuen CNT, PCE-EPK eta Eusko Indarra Fundazioa erakunde historikoek antolatutako 36 gerrako Asturiasko Euskal Brigadari eskeinitako omenaldian.

http://www.euskolurra.eu/asturiasko-euskal-brigadari-omenaldia-llera-valduno/

Egun hartan bertan Herrira deituta zeukan euskal preso politikoen aldeko ekimenarekin bat eginez, gertaera historiko haien parajea, presoen eskubideen aldeko beste plaza bat bilakatzea nahi inzan genuen.

Irakurritako testoa:

Gaur hemendik, Asturiesko txoko honetatik, Eusko Ekintzako kideok bat egin nahi  izan dugu Euskal Herria guztian barrena  euskal preso politikoen  aldeko  herri  erakundeak, Herrira , deitutako konzentrazioekin.

 Areceseko zubi hau euskal preso politikoen oinarrizko eskubideen  aldeko beste plaza bat bilikatu nahi dugu gaur. Ez gaude edozein lekutan. Paraje hauetan duela zazpi hamarkada ezker abertzaleko  ANVko 130 gudariek bizitza galdu zuten askatasunaren alde eta ezker abertzaleak inoiz burutu duen elkartasun internazionalistaren ekintza handienean.

Oroimen historikotik azpimarratu nahi dugu 1936ko uztai hartatik ez dela izan ezta urte bat ere gure herrian preso politiko edo errefuxiatu politikorik gabe.

Hemen borrokatutako hainbat gudari ere gero preso politikoak izan ziren frankisten  eskuetan .

Egungo presoei  bezalaxe, Frankismoan   izaera politikoa ukatu egin zitzaien. Ez ziren preso politikoak, gaizkile arruntak baizik. Eskoria gorri-separatista. Kriminalak.

Eusko Ekintzak amnistia aldarrikatzen du  euskal presoentzat. Eta amnistiaz ari garenez, ezin ahaztu egun honetan Isidro Susperregi  Eusko Indarraren batailioareren gudaria. Arecesen borrokan ibilia ere eta 1977.en urtean espainar poliziak, egun PPko buruzagia den Martin Villaren agindupean, Donostian gomazko pilotakada batez erahila. Espainar uniformatuek erahildako Eusko  Indarraren azken gudaria. Bere erailketak, hemengoak bezala, Egia, Justizia eta Erreparaiorik gabe dirau.

Isidrorekin gaur hemen bat,  bera eta Eusko Indarrako gainontzeko gudariak gogoan, euskal preso zein iheslarientzat  Amnistia aldarrikatzen dugu.

Atzo, Euskal Herriko talde memorialista eta erakunde historikoak batzen dituen Lau Haizetara Gogoan Plataformaren hainbat kideek, haien artean Eusko Lurra Fundazioak, CNT-k eta Sare Antifaxistak, ekitaldi bat  burutu zuten  Asturiasko hiriburutik gertuko Llera herrian, Nalon ibaiaen ertzean.

Eusko Ekintza alderdia ere bertan egon zen 36ko gerrako borrokalari euskaldunak omentzen.

Paraje honetan gertatu zen 1937 otsailaren 23an Eusko Jaurlaritzak Errepublikaren sostenguan bidalitako Euskal Brigadak pairatutako borrokarik  latzena. Oviedoren  kontrako ofentsiban parte hartu zuten euskal gudari eta milizianoek egun hartantxe jasan zituzten hildako gehien.

Denetara 250 gudari eta milizianoek bizitza galdu zuten paraje haietan.  120 EAE-ANVkoak, ia 40 anarkista, 30 komunista eta hainbat EAJ eta UGTkoak.

http://www.euskolurra.eu/nalon-odolezko-ibaia/

Ekitaldia Nalon ibaiaren gaineko zubian burutu zen eta bertan CNTko zein Eusko Lurra Fundazioaren kide banak hitza hartu zuten. EAE-ANVko gudarien zein CNTko milizianoen konpromiso eta sakrifizioa ekarri zuten  gogora.

Bertan bildutako ehun bat lagunek  dozenaka lore bota zituzten Nalon ibaira 1937ko otsailaren 21an Eusko Indarrako EAE-ANVko gudariek zeharkatu zuten leku berberean. Bertan 20 gudari ekintzale hil zituzten aurreneko unean Areces herrixkaren aurkako erasoan, eta egun hartan Nalon gurutzatu zuten gainontzeko gudari eta miliziano euskaldunak gogoan izan zituzten ere.

Eusko Ekintza alderdiak omenaldi honetan parte hartu nahi izan genuen, eta ordezkaritza bat bidali genuen bertara ekitaldia sustengatzeko.

Gure filosofia jarraituz, Genozidio Frankista eta estatu terrorismoaren biktimekiko konpromisoa ekintza konkretuetan islatu nahi dugu.

Gure aurkezpen agirian zera aldarrikatzen genuen, “argi eta garbi esan nahi dugu genozidio frankista eta estatu terrorismoa pairatu duten biktimak direla, bakar-bakarrik, Egia, Justizia eta Erreparaziorik gabe geratzen ari direnak. Estatuak burututako gehiegikeriak eta krimenak zigorrik gabe gelditzen ari dira. Horregatik bat egingo dugu Egia, Justizia eta Erreparazioa lortzeko lanean ari diren estatuko eta bereziki Euskal Herriko talde guziekin. Euskal Herriko Egiaren Batzordea da, une honetan, gai hauetan urratsak ematen hasteko tresna eraginkorrena.”

Filosofia hau izan da atzo Arecesera eraman gintuena.