Gaur Ondarroan PNVko polizi autonomikoak Urtza Alkorta herritarra atxilotu du eta berekin elkartasunez zeuden ”herri harresi” ekimeneko  beste hainbat lagun atxilotu eta zauritu.

Azken egunetan Ondarroako  “Txakur-txiki zubia”  desobedientzia zibileko zein herritar duintasunaren gunea bilakatu da  Espainiar Estatuaren errepresio itsuaren aurrean.

Milaka herritarrek Euskal Herriko lau kantoietatik etorrita parte hartu dute ekimenean, baina bereziki azpimarragarria eta eredugarria, Ondarroa herri beraren jarrera bere herritarra Urtza Alkorta babesten.

Azkenean EAJ-PNV-k berriro ere bere polizia bidali du herri honen askatasun nahia zapaltzeko, eta honen aurrean ezin irakurketa politiko zuriak egin. Hemen , atxiloketa eta bortizkeri polizial honetan arduradun bat dago, Estatua, baina morroi zintzo bat, EAJ-PNV.

Garai berrietan gaudela diote, eta halaxe da, baina betiko errepresioa ez da eten, eta kartzelak hustu beharrean, betetzen jarraitzen dute. Batzuen erabakiz eta beste batzuen laguntzaz.

Ondarroako ekimena beste mugarri  izan behar da, gero eta altuagoak eta mardulagoak izango diren herri- harresiak eraikitzen.

Gaur Frantses Estatuan suertatutako 6 euskal herritarren atxiloketen aurrean, Eusko Ekintza zera adierazi nahi du:

 Duela urte bat baino gehiago ETA erakundeak borroka armatua baztertzen zuela esan zuenetik, Euskal Herria oso urruti dago normalizazio politikotik.

 Euskal gizarteak espero zuena kartzelak preso politikoez hustu beharrean, presoen kopurua handitzen ari da. Normalizazio politikoa soilik etorriko da errepresioa eta eszepzio legeak desagertzen badira.

 Ezinezkoa da garai berriez hitz egitea, Estatuen aldetik errepresio gordinena eteten ez den bitartean. Euskal Herriko arazo politikoaren konponbidearen barne muinean dago preso eta iheslarien egoera. Hau zuzentzen ez den bitartean, egoera politikoa ez da normalizatuko ere.

 Euskal Herria, 2013ko maiatzaren 7a.

Iker Rodrigo sortukidearen atxiloketa dela eta, Eusko Ekintzak lehenik eta behik atxiloketa politiko berri hau salatu nahi du eta aldi berean bere elkartasuna adierazi atxilotutako militanteari.

Iker Rodrigoren atxiloketa berriro ere agerian uzten du Espainiako Erresumaren norberaren zein kolektiboen askatasun falta.

Batzuek ilegalizazioen eta ideia soziopolitikoen jazarpenaren zikloaren amaiera aldarrikatu duten arren, gero eta nabarmenagoa ari da azaltzen egungo sistema politikoaren gabezi demokratiko larriak.

Salbuespen legeria indargabetzen ez den bitartean, alferrik da errealitatearen aurrean  hau horrela ez balitz bezala jokatzea. Horren lekuko, aste honetan izandako gainontzeko epaiak, atxiloketak, polizia kargak eta Cabacas auziaren inguruko datu berriak.

Iker Rodrigo oso larria den espetxe politikaren kasu bat salatzeagatik atxilotua izan da.

Inoiz baino beharrezkoa da eskubide zibil, sozial, nazional eta politikoen aldeko mugimendu zabal bat hedatzea Euskal Herrian, eta horretarako guk garbi esan nahi dugu  Adierazi Euskal Herria izan zen bezalako mugimendu baten beharra.

Euskal Herria, 2013ko apirilaren 15ean

Eusko Ekintzak, heldu den larunbaterako, hilak 9, ELEAk mugimendua antolatutako manifestazioarekin bat egiten du.

Manifesatzioa Donostiako Bulebarrean izango da, arratsaldeko 17:00etan.

Duela egun batzuk Oarsoaldeko gazteekin gertatu zen moduan, orain Donostiako 15 gaztek espetxe arriskua dute.

Estatu espainarrentzat egoera politikoa ez da aldatu. Salpuespen egoerari eusten dio eta azkeneko hamarkada guztietan lez, epaitegiak joku politikorako tresna gisa erabiltzen ditu., kasu honetan jardun politikoa egin duten 15 gazte hauen askatasuna zapuztuko dutelarik.

Egoera jasangaitza da, gatazkaren desmilitarizazioa aldebikoa izan dadin ahalegin guztiak egin behar ditugu eta Estatuaren joku zikina zein bortizkeria “legala” oztopatuko dituzten ekimenak abian jarri behar ditugu.

Pertsona askeak herri askean nahi ditugu, ezker independentista osoak bere ekarpena egin du, bere esku dagoen guztia egiten ari da, Estatuak berriz ez du bere jokabidea aldatu.

Jardun politikoa askea izan arte, eskubide zibil eta politiko guztiak bermatuta izan daitezen arte , banako eta talde giza-eskubideak bere osotasunean bete ahal izan arte, borrokan jarraitu behar dugu.

Beste hitzordu bat dugu, beraz, bihar Donostian.

Eusko Ekintza alderdiak adierazi nahi du Euskal Herrian euskal jendarteak zabaldu nahi duen garai berri hauetan kartzelak errepresaliatu politikoez hustu behar direla, betetzen jarraitu nahi dutela ematen du, berriz.

Zoritxarrez hau ez da horrela izaten ari, eta gero eta ageriago geratzen ari da maila guztietako errepresioa dela  Estatuen erantzun bakarra ezker abertzaleak bere osotasunean aukeratutako bide baketsuen aurrean.

Bide errepresiboen mantentze honen aurrean, euskal jendarteak konfrontazio demokratiko, erresistentzia zibil aktiboa, desobedientzia zibila eta etengabeko mobilizazioei eutsi behar diegu. Baketsua, baina konfrontazio eta konpromiso maila handikoa.

Era berean, alferrik da garai berriak bizi ditugula  behin eta berriz errepikatzea, atxiloketak, kartzelatzeak eta errepresio bere horretan mantentzen direnean. Ezin dira nahastu euskal jendartearen normalizazio nahiak Estatuek egunero erakusten diguten errealitate gordinarekin.

Eusko Ekintza