Eusko Ekintza » Oroimen historikoa

Donostiako herriak eta ezkerrreko indarrek Loiolako Koartelak hartzearen 80.en urtemuga. Ekitaldiak.

eek — Sat, 30 Jul 2016 09:25:43 +0000

Eusko Lurra Fundazioaren Blogetik hartuta.

Oroimen Historikoaren inguruko beste ekitaldietan baino jende parte hartze nabarmenagoarekin, joan den ostegunean, uztailak 28, faxisten alde matxinatutako Donostiako Loiolako koartel militarrek ezkerreko indarren eta herritarren erasoen aurrean amore eman zutenaren 80.en urtemuga ospatu genuen.

Martxa bat burutu genuen Gladis Enea Parketik Loiolako kuarteletaraino eta Ertzantzak zaindutako Kuartelen aurrean ekitaldi sozio-politikoa burutu genuen. .

Martxaren deitzaileak eragile ugari izan ginen; Alderdi politiko, sindikatu, erakunde memorialista, herri mugimendu anitza…

Deitzaileak:

Eusko Ekintza, Eleak-Libre, Ezker Anitza, EH Bildu, Podemos, Sortu, Ernai, LAB, Amnistiaren Aldeko eta Errepresioaren aurkako Mugimendua, EH-Donbas Elkartasuna, Irabazi, Frankismoaren Aurkako Kereilaren Euskal Plataforma: Asociación Altafaylla Kultur Taldea, Durango 1936 Kultur Elkartea, ELA, Garraxika Taldea,Gernika Batzordea, Goldatu Elkartea, Intxorta 1937 Kultur Elkartea, Lau Haizetara Gogoan Elkartea,
Víctimas del Genocidio de Donostia, Martxoak 3 Elkartea, Oroituz Andoain 1936, Sanfermines 78 Gogoan, Egiari Zor Fundazioa, Euskal Memoria Fundazioa, Eusko Lurra Fundazioa, CNT, UGT, CCOOO, ELA, Euskal Herria, Sare Antifaxista, Berriz 1936, Urduña 1936, Andikona 1936, Legazpia 1937, Asociacion Kattin txiki, STEILAS, EPK, Antikapitalistak….

Ekitaldian nabarmendu zen duela 80 urteko ezkerreko indarren batasuna Faxismoaren aurka eta horren balioa. Gaur egun ere Europan faxismoa indartzen ari den honetan.

Borroka hartan parte hartutako zenbait miliziano eta EAE-ANVko gudarien senideek hitza hartu zuten.

Ekitaldia Eusko gudariak, Internazionala eta “A las barricadas” abesten amaitu genuen.

Euskal Herria, 2016ko uztailaren 29.

Atzoko eta Gaurko Faxismoari ez.

eek — Mon, 25 Jul 2016 15:37:46 +0000

Loiolako Kuartel militarrak Dosnostiako Herriak hartu zituenaren 80.en urtemugan, Eusko Ekintzak bat egiten du ezkerreko beste 25 eragile baino gehiagorekin borrokalari antifaxistak omentzeko hainbat ekitaldietan.

¡NO AL FACISMO DE AYER Y HOY!

Las organizaciones sindicales, sociales y políticas abajo firmantes llamamos a la marcha que el próximo día 28 de julio saldrá del Parque de Gladys Enea (Cristina Enea) a las 18:00 horas para llegar a Loiola, frente a los cuarteles militares, y celebrar allí un acto en recuerdo de los sucesos que llevaron a la rendición, hace 80 años, del Cuartel Militar de Loiola en manos de los fascistas a las fuerzas de izquierdas, y, además, homenajear a los caídos en combate en defensa de la libertad.

La rueda de prensa se ha celebrado esta mañana frente bajo mural del fronton de Amara (viejo) que recoge la foto de una de las barricadas construidas en la calle Urbieta, hace 80 años, el 22 de Julio de 1936.

ATZOKO ETA GAURKO FAXISMOARI EZ

Duela 80 urte, gaurko egunean, barriukadak etra tiroak izan ziren Amara eta bereziki Urbieta kalean, Altxamendu Faxistari aurre egin baizioten donostiarrek eta bertako ezkerreko eragileek.

Gertakari haien 80.en urtemugan, oroimen ekimena hau bultzatzen dugun eragile soziopolitiko ezberdinek zera azpimarratu nahi dugu: Herritar horiek, ideologia ezberdinetakoak izanik (komunista, sozialista, libertarioa, abertzaleak, errepublikazaleak,…), indarrak batu zituztela elkarrekin faxismoari eta autoritarismo militaristari aurre egiteko. Askatasuna defendatu zuten. Herritar eta langileriaren eskubideak zanpatu nahi zituztenei aurre egin zieten, eta hori da hain zuzen gaur balioa bezala agerian jarri nahi duguna. Ezkerreko indar ezberdinen batasuna faxismoaren aurka, eta askatasunaren eta herritarren defentsan.

Loiolako Kuartelaren errendizioarekin amaitu zen garaipen huira gogoratzeko eta ospatzeko, datorren 28an arratsaldeko 18:00etan Gladys Parketik (Cristina Enea) martxa herritarra egingo dugu Lioiolako Kuartelaren aurrera eta bertan ekitaldia egingo dugu. Loiolako kuartelak hartzea, Donostiako Herriaren eta ezker ideologia anitzeko indar soziopolitikoen ekimena izan zen. Une hartako herritar askoren odolez eta geroko errepresio basatiez ordaindu zena hain zuzen.

Tamalez, gaur egun Europan eta gure inguruan faxismoa eta autoritarismoa berriro indartzen ari den une honetan, duela 80 urteko gertakariek gaurkotasun handia hartzen dute, eta egungo belaunaldi gazteentzat eredu bat dira. Are gehiago Espainia bezalako estatu batean, non frankismoaren oinordeko politikoak boterean egoteaz gain, beraien krimenak argitzeko inolako urratsik eman ez dutenenean gaur egun arte.

Dei egiten diegu donostiar guztiei datorren larunbatean izango den martxan parte hartzea.

Ekimena babesten dute:ELA, CNT, LAB, UGT, STE EILAS, ESK, ELEAK/Libre, Ernai, EH Donbass Komitea, Eusko Lurra, Euskal Memoriaren Plataforma, Amnistiaren Aldeko Mugimendua, Fundación José Unanue de CCOO de Euskadi, GKK, Eusko Ekintza, PCE-EPK, Podemos, Irabazi, Sortu, EHBildu, Askatasunaren Bidean, PCPE.

ALBERTIA 2013. Ezker Abertzaleko gudari haien borrokaren duintasuna.

eek — Thu, 04 Jul 2013 15:17:45 +0000

Alberto Muñoz eta Txarli Gonzalez (Eusko Ekintzako kideak)

1936ko abenduaren 30ean 28.000 gudari eta milizianoek, 35 batailoietan antolatuak, Araban faxistek ezarritako gerra frontea eraso zuten, Gasteiz eta Araba berreskuratzeko asmoz. Legutioko gatazka, 36ko gerrako odoltsuenetarikoa izan zen.

Beste ehunka gudari eta milizianoen artean, ezker abertzaleko EAE-ANVko ia 350 gudariek bizia galdu zuten bertan. Batzuk borrokan, beste batzuk preso hartu eta gero, faxistek erailak.

Gatazka horren zama eta gogorapena ezker abertzale historikoaren kontzientzi kolektiboan geratu da, eta ezker abertzaleko ondorengo borrokalariei ere, ez zaie omenaldirik falta izan urtero Albertia mendiko maldetan. Albertia Eguna da Euskal Herrian Oroimen Historikoaren inguruko egunik beteranoena. Borrokaren duintasunaren eguna, eta horregatik aukeratu dugu aurtengo lelo hau: “Borrokaren duintasuna”. Historia lapurtu nahi izan digute sarritan. Gure herriaren eta ezker abertzalearen historia. Albertia eguna horren aurreko herri harresia izan da urtetan. Ahanztura eta manipulazioaren aurreko harresia. Hantxe eta ondoren gertatutakoak ez ahazteko.

Aurten ere, uztailaren 7an ospatuko dugun Albertia egunean, EAE-ANVko gudari haien ideien gaurkotasuna aldarrikatzen dugunok bertan egongo gara, Albertia mendian. Duintasuna eta oroimena aldarrikatzeko.

Nahasmendu ideologikoaren garaiak bizi ditugu, ETAren jarduera armatuaren amaierak eta Ezker Abertzaleak, bere osotasunean, hartutako zenbait erabaki direla eta. Ezker abertzalearen barnean, taktikaren aurrean dauden iritzi ezberdinak gero eta nabarmenagoak eta ozenagoak dira.

Eztabaida beti iraultzailea da, eta baita kritika ere, alternatibak konfrontatzeko badira bederen.

Aldebakartasuna ezin baitu soilik eman norabide batean. Estatuekiko konfrontazio demokratikoan, desobedientzia zibilean eta intsumisioan sakondu behar da, erradikalki. Gauzak egiteko era bat, agorturik agertzen da, nabarmen. Iraganeko hainbat formulek ez dute balio egun, baina konfrontazioan dago gakoa.

Guk behintzat zera aldarrikatu nahi dugu: 1936an gudari ekintzaleek, ezker abertzaleko gudariek, ezarri nahi izan zuten faxismoaren aurreko harresia, gaur egun, 2013.en urteko Euskal Herrian, ezker abertzaleak bere osotasunean estatuen itxikeriaren eta errepresioaren aurrean ezarri beharreko harresiaren beharra ekartzen digula gogora.

Haiek armen bidez egin zuten, guri bide zibilak baina erradikalak erabiliz ezartzea egokitzen zaigu. Gure herriak bizi duen emergentzia sozial eta errepresiboak gero eta argi gorri gehiago pizten ditu. Borrokaren duintasunaren garaia da. Guretzako behintzat.

Alberto Muñoz eta Txarli Gonzalez (Eusko Ekintzako kideak)

Euskal Herria, 2013ko uztailaren 3a.