Atzo Printzipat-eko Herri Katalana deitua zegoen kontsulta batera independentziari buruzko bere iritzia emateko. Eusko Abertzale Ekintzatik zoriondu nahi ditugu katalanak atzo, berriro ere,  beraien heldutasun politiko eta demokratikoaren froga garbia eman zutelako.

Oso baldintza zailetan eta Estatu Espainiarraren mehatxupean egindako ariketa demokratikoa izan da atzokoa. Euskaldunok badakigu zerbait horretaz. Urtetan, ezker abertzaleko alderdien ilegalizazioekin, baldintza demokratikorik gabeko hauteskundeak bizi izan ditugu. Konstituzionalisten putxerazoak etengabeak izan dira herritarron nahia eta eskubideen aurka. Horregatik Konstituzionalista espainiarrek (PP-PSOE) atzoko kontsultaren gardentasuna ezbaian jartzen dutenean, beraien hipokresia eta izaera demokratiko kaskarra besterik ez dute agerian uzten, berriro ere.

Baldintzak kontutan hartuz, atzoko boto-emaileen parte hartzea itzela izan da, eta Independentziari baietza sendoa eman diote. Azpimarratu nahi dugu atzokoa katalan gizarteak burututako desobedientzia masiboaren ekintza bat izan zela, Herri baten aurkako inposaketaren aurreko desobedientzia.

Gaurtik aurrera katalanek beste mugarri bat daukate bidean beraien askatasun nazionalen konkistan. Euskaldunok asko ditugu jada ere, baina garaia da independentziaren bidean urrats sendoak eta erabakigarriak emateko. Garbi dago, Katalunian bezala, urrats horiek desobedientzia zibil demokratiko eta baketsuaren bidetik etorriko direla. Atzo ere garbi geratu zen Espainiako Erresumarekiko akordioa, Quebecen edo Eskozian kasu, ezinezkoa dela. Espainiako Erresumak inoiz ez digu emango autodeterminazio eskubidea, gure kabuz erabili beharko dugu. Beste aldetik Euskal Herrian, Katalunian izan den bezala, gizartea eta herri mugimenduak jarri behar dira alderdien aurretik independentzia lortzeko auzolan nazionalean. Alderdikerien gainetik soilik lortu daiteke independentziaren bidean urratsak ematea, eta horretarako “Lehen aberria eta gero alderdia” jartzeko prest dauden herritarrak behar ditugu prozesu honen gidaritzan.

Euskal Herria, 2014ko azaroaren 10ean.

]]> http://www.euskoekintza.eu/kataluniako-kontsulta/feed/ 0 http://www.euskoekintza.eu/kataluniako-legebiltzarkideen-koherentzia-madrilgo-kongresuan-eta-ibarretxeren-voice-or-exit/?utm_source=rss&utm_medium=rss&utm_campaign=kataluniako-legebiltzarkideen-koherentzia-madrilgo-kongresuan-eta-ibarretxeren-voice-or-exit http://www.euskoekintza.eu/kataluniako-legebiltzarkideen-koherentzia-madrilgo-kongresuan-eta-ibarretxeren-voice-or-exit/#comments Thu, 10 Apr 2014 09:21:21 +0000 eek http://www.euskoekintza.eu/?p=943 Sigue leyendo →]]>

Berriki Euskal Erkidego Autonomoaren lehendakaria izandako Juan Jose Ibarretxek “voice or exit” (edo hitza eman, edo banoa) aldarrikatu zuen Bilbon emandako hitzaldi batean. Madrilgo itxikeriaren aurreko botika gisa aldarrikatu gainera.

Egia esanda, ezin konformeagoa gaude gu lehendakari ohiak esandakoarekin. Beste gauza bat da pertsonaiaren eta bere alderdiaren praxia eta sinesgarritasuna halako egoeretan. Zeren eta aste honetan Madrilen kataluniar legebiltzarkideek emandako irakaspena handia izan da. Autodeterminazio kontsulta baterako egitasmo guztiz demokratikoa eraman dute Erresumaren hiriburura eta han, betiko legez, PSOE-PP-UPD bunker espainolistak ezetz esan die.

Baina Ibarretxek 2005.en urtean Madrilgo Kongresuan bere plangintza famatua aurkeztu zuenean ez bezala, oraingo honetan kataluniar eledunek garbi utzi dute aurten egiteko asmoa duten independentziari buruzko erreferenduma, oztopoz oztopo,  aurrera jarraituko duela. Eta hori da, hain zuzen Ibarretexeren “bluf” politiko horrekiko ezberdintasun handiena. Ibarretxek Madrilen bertan ez zuen inolako ausardia politikorik (Ez bere alderdi propioaren sostengua ere) Euskal gehiengo demokratikoa espainiar inposaketa totalitarioari aurre egiteko. Aste honetakoa kataluniarrena  beste garaipen politikoa izan den bitartean, espainiarren itxikeria agerian utziz baina baita berari aurre egiteko bideari eutsiz, Ibarretxerena lotsa kolektibo bat izan zen.

Ongi dago orain Ibarretxek “eman hitza edo banoa” aldarrikatzea. Atsohitzak dio bide okerretik ateratzea eta zuzentzea jende jakintsuaren  gauza dela. Baina, jakina, ez etorri aldebakartasunaren konbertso berriak besteei bidea markatzera. Independentziaren trenean bagoi asko daude, eta batzuei atzeko bagoietan sartzea tokatzen zaie sinesgarritasun minimo bat irabazten ez duten bitartean.

Eusko Ekintzaren Matalaz iritzi taldea.

Espainiako Auzitegi Konstituzionalaren epaitza Kataluniako Parlamentuak herritarrei hitza eta erabakia emateko bidean aurrera ateratako  egitasmoaren kontra, agerian uzten du berriro ere, Espainiako Erresuman nazio historikoekiko dagoen legitimitate demokratikoaren talka.  Alegia, Katalunia eta Euskal Herriaren gehiengo demokratikoaren nahia burujabetzarako espainiar legeri ez demokratikoaren aurka talka eginez.

Behin eta berriro agerian geratu da, oraingo honetan ere, Hemen eta Katalunian aldebakartasunaren beharra independentziarako bidean.

Abagune honetan, Espainiar Erresumari erabakitzeko eskubide demokratikoa eskatzea ariketa intelektual bat izan daiteke guztiok dakiguna hamaikagarren aldiz agerian uzteko; Espainiar lege marmoen gabezi demokratiko larriak. Handik aurrera, burujabetzaren eta independentziaren bidean, soilik urrats ausartek eta aldebakartasunaren bidean emanda ekarri dezakete eszenatoki demokratiko bat non herriak libreki bere etorkizuna erabakitzeko aukera izango duen.

Hori da Kataluniako gehiengo demokratikoaren aurkako epaitza honen irakurketa zintzo eta errealistena.

Eusko Ekintzaren Matalaz iritzi taldea