Gaur Gernikan EAJ-PNVren agindupeko polizi autonomoak Jone Amezaga gazte ezkertiar eta independentista atxilotu du demaseko bortizkeria erabiliz. Poliziaren bortizkeriaren ondorioz zenbait herritar zaurituak suertatu dira. Haien artean 95 urteko emakume bat.

Poliziaren kargak jendez betetako Gernikako asteleheneko azokan gertatu dira, eta Julen Arzuaga EH Bilduko legebiltzarkideak salatu duenez, ertzainek debekatutako borra luzagarriak erabili dituzte herritarren kontra.Eusko Ekintzatik gure elkartasuna adierazi nahi diegu zauritatukoei eta ozen salatzen  dugu era berean  Jone Amezagaren atxiloketa. Salbuespen egeorak ez du etenik Euskal Herrian, eta haren ondorioz posiblea da gazte bat espetxeratzea urte eta erdi pankarta bat ezartzeagatik. Espainiako erresuman posiblea da Nazismoaren apologia egitea, Genozidio Frankista goratzea edota estatu terrorismoa zuritzea, baina antza “apologia del terrorismo” delakoa (Europako estatu gehienentan existitzen ez den ustezko delitoa) gartzelarekin zigortzen da.

Joneren kasuak agerian uzten du gurean ez dagoela inolako normalizazio politikorik.

Euskal gatazkaren inguruko kontakizun askatasuna ez dagoen bitartean, alferrik da elkarbizitzaz hitz egitea. Herritarron arteko elkarbizitza izateko, Ipar Irlandan bezala, alde bakoitzak bere errelato eta bere sinbologia erabiltzeko eskubidea behar du izan. Esan bezala, gai hauen inguruan espainiako salbuespen legeriak errelato bat inposatzen du. Errelato inposaketa honek etengabe biktima berriak sortzen ditu, Jonen kasuan bezala.

Kontakizun bat non Genozidio Frankista eta estatu terrorismoa zein berien arduradunen egintzak  erabat zurituak geratzen dira.

EAJ-PNV-k ulertu behar du behingoz elkarbitzitza ez dela borrakadaz inposatzen, eta salbuespen legeria euskaldunon elkarbizitzaren kontrako eraso zuzena izanik, tamainako erantzun polikoa behar du.

Berriki jakin da Luis Goñi eta Xabier Sagardoi gazte nafarrek Espainiako Auzitegi Gorenaren epaia jaso dutela.

Iruñerriako bi gazteek espetxeratu nahi dituzte beraien militantzia politikoa dela eta.

Denbora aurrera doa eta gero eta garbiago geratzen ari da euskaldunok ezin dugula inolako keinurik espero espainiar Estatuaren aldetik errepresio bideak ixteko, eta horrela euskal gatazkaren hainbat korapiloa askatzeko. Keinu hauek bakarrik behartuak emango dituzte, herri presioaren bidez, alegia.

Nabarmen geratzen ari dira aldebakartasunaren estrategiaren mugak, aldebakartasun estrategia honetan ez baldin badira erabiltzen konfrontazio demokratikoaren tresna guztiak.

Batzuek diote legea bete behar dela, baina egungo salbuespen legeria erabaki politiko baten ondorioa da, eta hura desaktibatzea erabaki politikoa izango da. Hau gogoratzea komeni da legea sakralizatzen dutenen aurrean. Bereziki legea herrien borondatearen kontra doanean.

Eusko Ekintzak bat egiten du bi gazte hauen alde deitutako mobilizazioekin eta bereziki “Herri harresia”  ekimenarekin.

Intsumisio eta desobedientzia zibileko ekintza baketsuak baina irmoak gero eta tarte gehiago hartu beharko dute aldebakartasunaren estrategian, baldin eta estatuek zerbait mugituko badute euskal gatazkaren korapiloak askatzeko bidean.

Euskal Herria, 2013ko uztailaren 24ean

Gaur Ondarroan PNVko polizi autonomikoak Urtza Alkorta herritarra atxilotu du eta berekin elkartasunez zeuden ”herri harresi” ekimeneko  beste hainbat lagun atxilotu eta zauritu.

Azken egunetan Ondarroako  “Txakur-txiki zubia”  desobedientzia zibileko zein herritar duintasunaren gunea bilakatu da  Espainiar Estatuaren errepresio itsuaren aurrean.

Milaka herritarrek Euskal Herriko lau kantoietatik etorrita parte hartu dute ekimenean, baina bereziki azpimarragarria eta eredugarria, Ondarroa herri beraren jarrera bere herritarra Urtza Alkorta babesten.

Azkenean EAJ-PNV-k berriro ere bere polizia bidali du herri honen askatasun nahia zapaltzeko, eta honen aurrean ezin irakurketa politiko zuriak egin. Hemen , atxiloketa eta bortizkeri polizial honetan arduradun bat dago, Estatua, baina morroi zintzo bat, EAJ-PNV.

Garai berrietan gaudela diote, eta halaxe da, baina betiko errepresioa ez da eten, eta kartzelak hustu beharrean, betetzen jarraitzen dute. Batzuen erabakiz eta beste batzuen laguntzaz.

Ondarroako ekimena beste mugarri  izan behar da, gero eta altuagoak eta mardulagoak izango diren herri- harresiak eraikitzen.

Gaur goizaldean, Ertzaintzak Donostiako Askegunean burututako sei gazte independentisten atxiloketa dela eta, Eusko Ekintza alderdiak bere elkartasuna adierazi nahi die beraien idei soilengatik espetxeratutako gazte hauei. Baita beraien senide zein lagunei.

Azken egunetan Donostiako Askegunearen borroka intsumisio eta desobedientzia zibilaren bidean urrats garrantzitsua izan da, eta erabat eredugarria. Azpimarragarria da ehunka pertsonen konpromisoa herri  harresia eraikitzen  arriskupeko gazteak babesteko, eta milaka herritarren parte hartzea elkartasun ekintzetan.

Guztiz salagarria Ertzaintzak erabilitako bortizkeria bertan bildutako jendearen kontra eta baita EAJ-PNVren konplizitatea atxiloketan eta atxiloketak era bortitzean burutzeko unean.

Garrantzitsua bada orain arte egindako guztia, garrantzitsuagoa da hemendik aurrera  egin beharreko lana, atxilotu gabeko gazteak babesteko zein  desobedientzia zibileko eta intsumisioaren bidean sakontzeko.

Soilik konfrontazio demokratiko baino aktiboaren bidez lortuko dugu presoak zein presoak izateko arriskuan dauden herritarren aldeko herri harresia sendotzen joatea. Atzo Espainiar Estatuak eta bere morroi autonomistek porrot politiko nabarmena jaso zuten Donostiako Bulebarrean.  Porrot hau sakondu behar da hurrengo astetan.

Eusko Ekintzan inoiz baino beharrezkoagoa ikusten dugu Euskal Herritarren eskubide zibil, sozial, politiko zein nazionalen defentsan arituko den elkargo eta auzolan nazional baten beharra.  Era honetan benetan egun hauetan Donostian landatutako hazia bere fruituak emango lituzke  epe laburrean.

Ezin ahaztu preso eta beraien senideen egoera. Ezta  beraien ideiengatik  espetxeratuak izateko arriskupean dauden  ehunka herritarrena. Beste aldetik eszepzio legeri ezberdinak indarrean jarraitzen dute, Alderdien Legea barne.

Borroka inoiz baino beharrezkoagoa da.

Euskal Herria, 2013ko apirilaren 19an.

Atzo era oso bortitzean EAJ-PNVren Polizia Autonomikoak buruturiko Ekaitz Iberoren gaztearen atxiloketak agerian uzten du bere gordintasun guztiarekin Espainiar Estatuaren eta bere laguntzaileen erabakia ezkerreko independentismoa zapaltzen jarraitzeko.

Denbora asko igaro da jada ETA erakundeak borroka armatua behin betiko alboratzeko determinazio eta konpromisoa agertu zuenetik, eta denbora honetan errepresioa apaldu beharrean, ageria dagoenez areagotzen ari da.

Espetxeen politikak bi hildako eragin ditu hilabeteren buruan, atxiloketak ia astero ematen ari dira eta ezin ahaztu duela urte bete Ertzaintza berak gomazko pilotaz hildako Cabacas gaztea.

Kapitalismoaren Krisi basatiak piztutako Herri mugimenduaren adierazpen ezberdinak aldi berean ( etxez botatzearen aurkako manifestazioak, kontzentrazioak…) gero eta jazarpen polizial eta legal zorrotzagoak dute aurrean. Ez da aztia izan behar asmatzeko estatuak eta EAJko gobernu autonomoak betiko errezeta erabiliko dutela hurrengo hilabete eta urtetan areagotuko diren protesta sozialen aurrean. Errepresioa, gero eta bortitzagoa protesta gero eta handiagoak baldin badira. EAJk erabaki du norekin lerrokatuko duen bere burua, hots, sistema hau bortizki babesteko prest dauden eragileekin.

Alderdien legeak bere horretan dirau, euskal independentismo osoa mehatxatzeko, baina baita ezkerreko edozein jarrera aktiboa ere.

Beste 9 gazte independentista bere ideiengatik 6 urte espetxeratuak izatea ezin daiteke aldebakartasunaren bidean beste “anekdota” errepresibo bat izan. Errealitatearen gordintasuna ezin daiteke denbora gehiago desmarraztu bakarrik alde bateko bultzada eta konpromisoa duen “Prozezu” baten izenean.

Eusko Ekintzaren ustetan, ezker abertzalearen erakunde ezberdinok garaia dugu aldebakartasuna beste norabideetan jorratzen hasteko. Atzo bezalako gertaerak kostu politikoa izan behar dutela bai agintzen dutenentzat zein laguntzen dutenentzat. Salbuespen legeak eta jarrerak mantentzen dutenentzat.

Ezin da onartu atxiloketaren aurka mintzatu diren talde politikoren eledun batzuek , biharamaunean gazte independentisten atxiloketaren arduradun politikoekin “normaltasunaz” aritzea.

Estatuek inposatzen diguten normalizazio politiko eza eta errepresio gordina Euskal Herriko bizitza soziopolitikoan islatu behar dugu. Konfrontazio demokratiko gordinaren tenorea heldu da. Bide zibil eta baketsuak erabiliz, atzo Donostiako kaleetan erakutsi zen moduan, baina konfrontazioa bere hizki guztiak erabiliz.

Aldebakartasun aktiboa izan behar du. Desobedientzia eta intsumisio bideak, maila ezberdinetakoak baina masiboak, autonomoak eta parte hartzaileak. Eraginkorrak izango badira. Alferrik dugu “kanpoko” laguntzaren zain urte gehiago ematea. Indarra gure herriaren baitan biltzen ez badugu, Europak gero eta gehiago “gatzaka politiko azken hondarrak” bezala ikusiko du hemen gertatzen den guztia.

Konfrontazioa erakundetan hasita eta kaleraino. Hedabideetan eta lantegietan. Ikastetxe eta eguneroko jarreretan. Herri honek nahiko heldutasun politiko eta soziala dauka jada konfrontazio baketsu eta demokratikoa azken bururaino eramateko.

Donostiako “Aske Guneko” bezalako ekimenak bidea zuzentzeko norabidea marka dezakete baldin eta ezker abertzalearen talde guztion eta herritarrak ezarri gaituzten erakundeak benetan inplikatzen bagara. Baina eraginkorrak izateko norabide aldaketaren bidea markatu behar dute.

Eusko Ekintzak bat egiten du hurrengo egunetan deitutako mobilizazio ezberdinekin eta besarkarda bat militante bidaltzen die atxilotutako gazteari zein arriskuan duden gainontzeko kidei.